العناية بالجسم


مشكله جفاف الجسم الدائم مشكله عند سيدات كثيره جدا و لها اسباب كثيره . لابد ان نهتم بمعالجه هذه المشكله لانها تؤدي الي قشور غمقان تشققات و غيرها من مشاكل انا سوف اقول لكم علي الاسباب و طرق حلها
-استخدام ماء ساخن جدا عند الاستحمام و نستمر مده طويله جدا تحت الدش و نقول دي نظافه و استرخاء . ده خطء الي بنعمله ان الماء الساخن و المده الطويله تجعل بشره الجسم تجف جدا و يحدث قشور لازم ناخذ الدش في 10 دقائق و لازم الماء يكون فاتر بلاش لما ناخد دش تكون فيه شبوره في الحمام لان ده معناه ان الجلد هيجف بسرعه

-بلاش استخدام الصابون لانها تنظف فقط لا غير و لا تعطي نعومه للجسم و لا اي مرطبات مفضل الشاور جل و نختاره بعنايه

-بلاش استخدام كل مره ليفه خشنه جدا لان ده ممكن يسبب جفاف و احمرار و من ثم غمقان

-بلاش حمام الرغاوي لو عاوزه تسترخي في البانيو مفضل زيوت دي بتعطي ترطيب اقوي لبشره الجسم

-عند التنشيف بالفوطه بلاش نفرك الجسم بقوه نطبطب علشان نحافظ علي الترطيب الي بداخله

-نهتم في شراء الكريمات المرطبه و مش اي كريم و خلاص و بلاش نجري وراء الكريمات الثقيله جدا لانها اوقات لا تمتصها الجلد بسوله

-لا تنسي الكريما ت المرطبه بعد الدش يوميا لاننا محتاجين الخطوه دي

-السنفره للجسم شئ جيد جدا لكن بلاش يوميا لان ممكن تتسبب في جفاف لجلد الجسم 2 مرات في الاسبوع كافي جدا و نرطب بعدها اكيد

-نرطب الجسم كله اكيد يوميا بعد الدش لكن القدم و اليد كل ما نغسلهم نرطبهم

-من اقوي اسباب جفاف جلد الجسم عند ازاله الشعر من الجسم باي وسيله و بعد الاستحمام لا نرطب ده اكثر وقت محتاج ترطيب

-ايضا بعد التعرض للشمس و بعد الدش لازم نرطب بعنايه لان الجسم بيكون جف جدا من الشمس و الماء

هي دي بعض الاسباب لجفاف جلد الجسم لو راعيتها هتحلي مشكله الجفاف نهائيا